We in media
X
“AZINTELECOM” VƏ “CYBERPOİNT” KİBERTƏHLÜKƏSİZLİK SAHƏSİNDƏ BİRGƏ FƏALİYYƏT GÖSTƏRƏCƏK
Jun 07, 2023
Go to article
×
“AZINTELECOM” VƏ “CYBERPOİNT” KİBERTƏHLÜKƏSİZLİK SAHƏSİNDƏ BİRGƏ FƏALİYYƏT GÖSTƏRƏCƏK
Jun 07, 2023
Go to article
- Rəqəmsal İnkişaf və Nəqliyyat Nazirliyinin tabeliyində olan “AzInTelecom” MMC və kibertəhlükəsizlik sahəsində aparıcı şirkətlərdən biri olan “Cyberpoint” MMC arasında əməkdaşlıq memorandumu imzalanıb. Memorandumu “AzInTelecom” MMC-nin İdarə Heyətinin sədri Elxan Əzizov və “Cyberpoint” MMC-nin direktoru Fuad Niftəliyev imzalayıb. Şirkət rəhbərləri memorandum əsasında kibertəhlükəsizlik sahəsində işgüzar münasibətlərin qurulmasını, birgə layihələrin həyata keçirilməsini və səmərəli məlumat mübadiləsinin təşkil olunmasını razılaşdırıblar. Tərəflər elmi-texniki əməkdaşlığın inkişaf etdirilməsi, birgə tədqiqat layihələrinin təşkil olunması, kibertəhlükəsizlik üzrə aidiyyəti mərkəzlərin qarşılıqlı istifadəsi üçün şəraitin yaradılması, həmçinin yeni texnologiya və həllərin öyrənilməsi və mövcud həllərin təkmilləşdirilməsi məqsədilə təcrübə mübadiləsi aparmağı planlaşdırır. “AzInTelecom” MMC və “Cyberpoint” MMC Azərbaycanda kibertəhlükəsizlik ekosisteminin gücləndirilməsi üçün ortaq məhsul və həllərin hazırlanmasını, müştərilərə birgə xidmət göstərməyi hədəfləyir. Qeyd edək ki, ölkənin bir sıra böyük şirkət və dövlət qurumlarının informasiya resurslarını etibar etdiyi “AzInTelecom” MMC ISO 27001 üzrə audit, konsultasiya və maarifləndirmə xidmətləri, Nüfuzetmə testlərinin simulyasiyası və insidentlərin araşdırılması, həmçinin Təhlükəsizlik Əməliyyatları Mərkəzi xidmətlərini göstərir.
Azərbaycanın “Cyberpoint” şirkəti Dünyanın aparıcı kibertəhlükəsizlik həlləri şirkətilə müqavilə imzaladı
Aug 23, 2022
Go to article
×
Azərbaycanın “Cyberpoint” şirkəti Dünyanın aparıcı kibertəhlükəsizlik həlləri şirkətilə müqavilə imzaladı
Aug 23, 2022
Go to article
- According to Lamanauskas, Azerbaijan is participating in the process of strengthening the infrastructure of mobile and broadband internet. "Global internet traffic at the global level increased by more than 50 percent in 2021, and the number of internet users increased by 10 percent. Studies show that countries with better infrastructure with greater resilience resisted the impact of the COVID-19 pandemic. We need to take measures that will lead to greater sustainability," the secretary-general said. In addition, he said that the ITU is working with Azerbaijan in the development of 5G, the prevention of cyber incidents, as well as the creation of a rapid response team.
AzTU ilə “Cyberpoint” MMC arasında əməkdaşlıq memorandumu imzalanıb
Sep 20, 2023
Go to article
×
AzTU ilə “Cyberpoint” MMC arasında əməkdaşlıq memorandumu imzalanıb
Sep 20, 2023
Go to article
- Azərbaycanın aparıcı kibertəhlükəsizlik xidməti təminatçısı olan “Cyberpoint” MMC ilə ölkəmizin ən nüfuzlu universitetlərindən biri olan Azərbaycan Texniki Universiteti (AzTU) arasında əməkdaşlıq haqqında memorandum imzalanıb. Sənədi “Cyberpoint”in direktoru Fuad Niftəliyev və AzTU-nun rektoru Vilayət Vəliyev imzalayıblar. Memorandumun məqsədi tərəflər arasında öz nizamnamələri çərçivəsində kibertəhlükəsizlik sahəsində milli, elmi-texniki və insan resursları potensialının gücləndirilməsi məqsədilə əlaqələrin və işgüzar münasibətlərin qurulmasının, birgə layihələrin həyata keçirilməsinin, səmərəli məlumat mübadiləsinin təşkil olunmasının təşviq edilməsidir. Bununla yanaşı “Cyberpoint”lə AzTU arasında imzalanan memorandum tərəflər arasında əməkdaşlığın həyata keçiriləcəyi ümumi sahələrin müəyyənləşdirilməsi məqsədini də özündə daşıyır. Əməkdaşlıq memomrandumunun başlıca hədəflərindən biri də kibertəhlükəsizlik sahəsi üzrə təhsil alan tələbələrin praktiki təlimlərə cəlb olunması və onların bu sahədə daha geniş biliklərə yiyələnməsi üçün lazımı şəraitin yaradılmasıdır.
Azərbaycan Kibertəhlükəsizlik Təşkilatları Assosiasiyası (AKTA) tərəfindən həyata keçirilən “Kiberməkanda saxta xəbərlərlə mübarizənin aparılması” layihəsi çərçivəsində təlimlər başa çatıb
Oct 05, 2023
Go to article
×
Azərbaycan Kibertəhlükəsizlik Təşkilatları Assosiasiyası (AKTA) tərəfindən həyata keçirilən “Kiberməkanda saxta xəbərlərlə mübarizənin aparılması” layihəsi çərçivəsində təlimlər başa çatıb
Oct 05, 2023
Go to article
- Layihənin sayca dördüncü və sonuncu təlim paketi 29.09.2023-cü il tarixində Cənubi Qafqazın ən böyük kibertəhlükəsizlik xidməti provayderlərindən olan “Cyberpoint” şirkətində iştirakçılara təqdim edilib. Layihə rəhbəri Təbriz Cəfərovun layihə haqqında çıxışından sonra AKTA sədri Elvin Balacanov təlim iştirakçılarını Azərbaycanın kibertəhlükəsizlik ekosistemi və bu ekosistemin gücləndirilməsi məqsədilə ölkədə həyata keçirilmiş mühüm tədbirlər barədə məlumatlandırıb. AKTA sədri görülən işlərdən bəhs edərkən ölkənin müvafiq strategiyası və müəyyənləşdirilmiş prioritet istiqamətlər, eləcə də kritik informasiya infrastrukturunun təhlükəsizliyinin təmin olunması məqsədilə hüquqi sferada atılmış addımlara dair məlumatları iştirakçıların diqqətinə çatdırıb. Daha sonra, araşdırmaçı jurnalist, sosial media eksperti Sənan Nəcəfov tərəfindən kiberməkanda saxta xəbərlər və dezinformasiyaya qarşı mübarizədə tətbiq olunan alət və mexanizmlər, xüsusilə də vizual materialların texniki üsullardan istifadə etməklə saxtalaşdırılmasının müəyyən olunması vasitələri barədə təlim keçirilib. Qeyd edilən təqdimatdan sonra isə İKT mütəxəssisləri Rəşad Əliyev və Rauf Cabarov saxta xəbərlərlə mübarizədə texniki imkanları, eləcə də media nümayəndələri üçün tövsiyələri ehtiva edən təqdimatla çıxış edib. Kibertəhlükəsizliyin təmin olunmasının texniki və təcrübi aspektlərinə dair təlim işitirakçılarının suallarının cavablandırılması məqsədilə "Cyberpoint" şirkətinin direktoru Fuad Niftəliyev və İnformasiya təhlükəsizliyi məsələləri üzrə direktor müavini Aydın Qurbanlı tərəfindən şirkətin təqdim etdiyi kibertəhlükəsizlik xidmətləri, məhsul və həlləri, eləcə də texniki imkanları, o cümlədən şirkətin kibertəhlükəsizlik əməliyyatları mərkəzinin fəaliyyətinə dair ətraflı məlumat verilib. Tədbirin sonunda təlimi müvəfəqiyyətlə başa vuran media nümayəndələrinə müvafiq sertifikatlar təqdim edilib. Qeyd edək ki, “Kiberməkanda saxta xəbərlərlə mübarizənin aparılması” layihəsi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə baş tutmuşdur.
“Cyberpoint”in təşkilatçılığı ilə Azərbaycan Texniki Universitetinin tələbələri üçün 4 gün davam edən "Açıq Qapı" günləri təşkil edildi
Oct 06, 2023
Go to article
×
“Cyberpoint”in təşkilatçılığı ilə Azərbaycan Texniki Universitetinin tələbələri üçün 4 gün davam edən "Açıq Qapı" günləri təşkil edildi
Oct 06, 2023
Go to article
- “Cyberpoint” şirkəti olaraq gələcəyimizin potensial kibertəhlükəsizlik mütəxəssislərinə daima dəstəyimizi göstəririk. Bu məqsədlə şirkətimiz tərəfindən Azərbaycan Texniki Universitetinin tələbələri üçün kibertəhlükəsizlik sahəsinin öyrədilməsi, müvafiq mövzuda bilik və təcrübələrinin artırılması məqsədi ilə “Açıq Qapı” günləri təşkil edilib. 24-28 sentyabr tarixlərində 4 gün boyunca davam edən bu günlərdə tələbələrə kibertəhlükəsizlik ilə bağlı əsaslı məlumatlar verilib, kibertəhlükəsizlik tədbirləri və riskləri ilə bağlı təlimlər keçilib. Öyrədilən informasiyalar onlara həm şəxsi məlumatlarını qorumaqda, həm texniki infrastruktur və informasiya təhlükələrini daha yaxşı anlamaqda, həmçinin potensial təhlükələrdə peşəkar müdafiə mexanizmi təşkil etməkdə kömək edəcək.
“Cyberpoint” şirkəti Özbəkistanda Daşkənd şəhərində keçirilən “Kiber Təhlükəsizlik Sammiti – Mərkəzi Avrasiya” (CSS 2023) tədbirində iştirak edib.
Oct 09, 2023
Go to article
×
“Cyberpoint” şirkəti Özbəkistanda Daşkənd şəhərində keçirilən “Kiber Təhlükəsizlik Sammiti – Mərkəzi Avrasiya” (CSS 2023) tədbirində iştirak edib.
Oct 09, 2023
Go to article
- “Cyberpoint” şirkəti Özbəkistanda Daşkənd şəhərində keçirilən “Kiber Təhlükəsizlik Sammiti – Mərkəzi Avrasiya” (CSS 2023) tədbirində iştirak edib. 3-4 oktyabrda baş tutan tədbirdə nümayəndələrimiz Aydın Qurbanlı və Mehman İsgəndərov şirkətimizi təmsil edib. Tədbirin mühüm bir hissəsi “Rəqəmsal Mərkəzi Avrasiya üçün Kibertəhlükəsizlik” mövzulu konfransa həsr edilib. Konfransda mütəxəssislərin çıxışları dinlənilib, eləcə də müxtəlif yerli və xarici şirkətlər innovativ həll və texnologiyalarla əlaqədar təqdimatlar ediblər. Konfransda kibertəhlükəsizlik sahəsində əməkdaşlıq məsələləri, kibertəhdidlərlə mübarizə və müasir müdafiə vasitələrinin inkişafı mövzuları ətrafında geniş müzakirələr aparılıb. Nümayəndələrimiz Daşkənddən fəaliyyətimizə dəstək olacaq dərin məlumatlarla qayıdıblar.
“Cyberpoint” şirkəti CIDC-2023-ə göstərdiyi dəstəyə görə təltif olundu
Nov 06, 2023
Go to article
×
“Cyberpoint” şirkəti CIDC-2023-ə göstərdiyi dəstəyə görə təltif olundu
Nov 06, 2023
Go to article
- Oktyabrın 26 və 27-də keçirilən “Critical Infrastructure Defence Challenge 2023” kiberfestivalında şirkətimiz həm eksklüziv sponsor, həm də məhsul və xidmətlərini öz stendində təqdim edən iştirakçı kimi təmsil olunurdu. Xüsusi Rabitə və İnformasiya Təhlükəsizliyi Dövlət Xidməti və Dövlət Təhlükəsizliyi Xidmətinin birgə təşkilatçılığı ilə baş tutan tədbirdə kiber sahədən olan, eləcə də bu sahəyə maraq göstərən tərəflər bir yerə toplanmışdı. Qeyd etməliyik ki, xidmət və məhsullarımıza maraq yüksək olduğu üçün kiberfestival şirkətimiz üçün çox produktiv keçdi.
Azərbaycan Mərkəzi və Şərqi Avropanın ən böyük kibertəhlükəsizlik konfransında təmsil olunub
Nov 24, 2023
Go to article
×
Azərbaycan Mərkəzi və Şərqi Avropanın ən böyük kibertəhlükəsizlik konfransında təmsil olunub
Nov 24, 2023
Go to article
- Azərbaycan Kibertəhlükəsizlik Təşkilatları Assosiasiyasının (AKTA) və onun İdarə Heyətinin üzvü olan "Cyberpoint" şirkətinin nümayəndə heyəti, "Kibertəhlükəsizlik ekspertlərinin beynəlxalq kibertəhlükəsizlik mərkəzlərinə səfəri" layihəsi çərçivəsində Rumıniya Respublikasına işgüzar səfərə çıxmışdır. Bu səfər, Avropa Komissiyası tərəfindən maliyyələşdirilən və TAIEX - Texniki Yardım və İnformasiya Mübadiləsi Aləti tərəfindən dəstəklənən layihənin bir hissəsidir. Səfərin ilk günündə, nümayəndə heyəti Rumıniyanın Milli Kiber Təhlükəsizlik Direktoratlığının rəhbəri və əməkdaşları ilə görüşüblər. Bu görüşdə, hər iki ölkənin kibertəhlükəsizlik ekosistemləri, hüquqi, təşkilati və texniki sferalarda son illərdə həyata keçirilmiş fəaliyyətlər barədə məlumat mübadiləsi aparılıb. Eyni zamanda, kibertəhlükəsizliyin daha effektiv və səmərəli təmin edilməsi məqsədilə əməkdaşlığın genişləndirilməsi imkanları müzakirə olunub. Noyabrın 25-dək davam edəcək layihə çərçivəsində nümayəndə heyətinin aidiyyəti təşkilat, şirkət və ali təhsil müəssisələrinə işgüzar səfərləri, həmçinin Mərkəzi və Şərqi Avropanın ən böyük kibertəhlükəsizlik konfranslarından biri olan “DefCamp Conference”-da iştirakı nəzərdə tutulur. Bundan əlavə, AKTA nümayəndə heyəti Rumıniyada yerləşən "Bitdefender" kibertəhlükəsizlik şirkətinin Buxarestdəki baş ofisinə səfər ediblər. Bu səfərdə, "Bitdefender" şirkətinin idarə heyəti ilə görüş keçirilib və nümayəndə heyətinə şirkətin fəaliyyəti və imkanları barədə ətraflı məlumat verilib. AKTA İdarə Heyətinin sədri Elvin Balacanov, "Bitdefender" şirkətinin nümayəndələrini AKTA və onun üzvü olan şirkətlər haqqında məlumatlandırıb. Görüş zamanı, hər iki tərəf arasında mümkün əməkdaşlıq imkanları da müzakirə olunub. Qlobal arenada fəaliyyət göstərən "Bitdefender" şirkəti, sahibkarlıq subyektləri, qurumlar və təşkilatlar üçün qabaqcıl kibertəhlükəsizlik həlləri təqdim edir.
"Cyberpoint" şirkətinin dəstəyi ilə "III Zirvə Toplantısı" keçirildi.
Feb 06, 2024
Go to article
×
"Cyberpoint" şirkətinin dəstəyi ilə "III Zirvə Toplantısı" keçirildi.
Feb 06, 2024
Go to article
- Şirkətimizin sponsor olaraq dəstək verdiyi “Dövlət Qurumlarının İT rəhbərlərinin III Zirvə Toplantısı” 2 fevral tarixində baş tutdu. Xüsusi Rabitə və İnformasiya Təhlükəsizliyi Dövlət Xidməti tərəfindən təşkil olunan tədbirdə 73 dövlət qurumundan 100-dən artıq nümayəndə iştirak edirdi. Tədbirin əsas məqsədi dövlət qurumlarının informasiya təhlükəsizliyi üzrə rəhbər heyətinin təcrübə mübadiləsinə cəlb edilməsi və qurumlararası kommunikasiyanın gücləndirilməsi idi. "Zirvə Toplantısı"nda “Cyberpoint” şirkətinin nümayəndəsi Aydın Qurbanlı çıxış edərək şirkətimiz, həyata keçirdiyimiz işlər, xidmətlərimiz barədə ətraflı məlumat verib.